Það er dýrmæt samvera og gæðastund þegar foreldrar og börn lesa saman.  

Rannsóknir sýna að ef lesið er fyrir börn frá unga aldri eykur það velgengni þeirra í námi síðar á ævinni.  Lestrarþroskinn hefst strax í bernsku og leggja foreldrar grunninn heima með því að lesa upphátt fyrir börn sín.

Heimili og skóli hafa í samstarfi við Kennaraháskóla Íslands gefið út bæklinginn Leggjum börnum lið við læsi. Þar er að finna góð ráð til foreldra sem vilja aðstoða börn sín við lestrarnámið. Þar er líka listi yfir bækur sem er skemmtilegt að lesa fyrir og með börnum (skoðið bæklinginn).

Margir foreldrar hafa áhyggjur af því hvað börnin þeirra lesa lítið í frítíma sínum. Á barna– og unglingabókmenntavef BarnUng er foreldrasíða með góðum ábendingum um hvernig glæða má áhuga barna á lestri. 

Við minnum á „gáfaðasta bílinn í bænum” Bókabílinn Höfðingja frá Borgarbókasafninu sem er við Álftamýrarskóla á þriðjudögum kl. 17:45 – 18:30.

Krækjurnar á forsíðunni eru gagnlegar fyrir alla notendur vefsins